સુંદરમ્ ને.

(મિશ્રોપજાતિ)

સંશોધવા  અક્ષય  તત્વ જે  ધ્રુવ,
મથી   રહ્યા  જીવન, કાવ્ય માંહે;
એ  મંથનેથી  પ્રગટી સુ’મંગલા’
શી  કાવ્ય કેરી  અપરૂપ નિર્જરી !

તો યે  હજી  પ્રશ્ન  રહ્યો  અનુત્તર.

એ પામવા–
વસુંધરા ઘૂમી વળ્યા સ-ચિંતને,
ને પામિયા રે’વસુધા’નું દર્શન.
એ દિવ્યના  દર્શન કેરી ‘યાત્રા’
પૂર્ણત્વને  પામી; અને  તમેયે
પામી ગયા’ક્યાં ધ્રૂવ?’નો જ ઉત્તર.

યાત્રા  કરું હું  વસુધાની મંગલા
બેસી  પ્રણય પાવડીએ….
પામી શકું એ ધ્રૂવ ધન્ય,ધન્ય!

૧૪-૮-૧૯૬૭.

Advertisements

6 thoughts on “સુંદરમ્ ને.

  1. આ (મિશ્રોપજાતિ) અને બીજી બધી જાતિઓ હમજાય એવું ચ્યમ નહીં કરતા? !!! કોં’ક કરો ને મારા બાપ! તો આ પરદેશી ઘોડેયું જેવી ગઝલ્યું થોડી લગામમમાં આવે!!!

    Like

  2. તમે કહો ત્યારથી છંદોની વાત ચાલુ કરી દઈએ. સાવ સહેલું છે,છંદોને સમજવાનું અને થોડી પ્રેક્ટિસથી જ એના દોરડે અનેકવિધ રંગો ઉપસાવવાનું.

    મારા ગુરુજી તો કહેતા જ કે એક સમય પાછો આવશે ને છંદોનો છંદ સૌને લાગશે.( ગુરુજી એટલે દર્શકે જેમને ‘સદેહે વિદેહી’ કહ્યા છે તે ન.પ્ર.બુચ જેણે મારા છંદોને સંમાર્જિત કર્યા ! અર્ધી માત્રાનો ફેર પણ ખુંચે એવી ચોક્કસાઈ એમણે શીખવાડી છે.)બાકી હતું તે “ઉમાશંકર અને સુંદરમ્ નાં ગ્રંથસ્થ કાવ્યોમાં શિખરિણી” એ વિષય ઉપર કનુભાઈ(બીજા પ્રાત:સ્મરણીય ગુરુજી)એ મહાનિબંધ કરાવ્યો.

    100 ફૂટના પહોળા રસ્તા ઉપર પણ લોકોને ચાલતાં આવડતું નથી ને અકસ્માતઓ કરી બેસે છે જ્યારે એક ઈંચના દોરડા ઉપર રહીને નટ કેવા કેવા ખેલો કરી શકે છે ?! છંદ પણ આવું સાંકડું દોરડું જ છે પણ એકવાર ફાવી જાય પછી એમાં રમવાનું મનભાવન હોય છે.વિચારજો ને કહેજો !

    Like

  3. અરે કાકા, આ તો મારો મનપસંદ વિષય આવ્યો… હું પણ ઘણા વખતથી છંદ શીખવાની કોશિષ કરું છું પણ પકડમાં નથી આવતો… સ્કુલમાં તો માત્ર પરીક્ષા પાસ કરવા પુરતો જરા તરા શીખ્યો હશે જે બિલકુલ યાદ પણ નથી… તમે કલાસ તો ચાલુ કરો, મારું નામ હું સૌથી પહેલું નોંધાવું છું!!!

    માત્ર પંક્તિ જોઇને શબ્દોનું માપ (કે છંદનો પ્રકાર) એકદમ ખબર નથી પડતી… કોઇ પંક્તિ છંદમાં છે કે નહી, એ જાણવા માટે એક એક અક્ષરોનું માપ (લ, ગા, વિ.) તપાસવું પડે છે અને એનાથી આગળ હજી જઇ શકાયું નથી… :-(

    હું હમણા જ તમને ઇમેલ કરતી હતી પણ એ પહેલાં અહીં જોવા આવી તો ખબર પડી કે તમારો અક્ષરો મોટા કરવાનો પ્રશ્ન સુલઝી ગયો લાગે છે!

    Like

આપનો પ્રતીભાવ –

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

This site uses Akismet to reduce spam. Learn how your comment data is processed.