1944થી…

મારો પરીચય

નામ : જુગલકીશોર જેઠાલાલ વ્યાસ
વતન : ઉમરાળા ; જીલ્લો ભાવનગર. અત્યારે  અમદાવાદ.

જન્મ તારીખ : ૨૫,જાન્યુઆરી,૧૯૪૪.

અભ્યાસ :

પ્રાથમીક : ઉમરાળા, રંઘોળા (ભાવનગર)
માધ્યમીક : સર્વોદય આશ્રમ, શાહપુર(સોરઠ), જીલ્લો જુનાગઢ.(૧૯૫૫-‘૬૦)
સ્નાતક : (ગ્રેજ્યુએટ), કૃષી વીજ્ઞાન; લોકભારતી સણોસરા, ભાવનગર. (1962-66)
અનુસ્નાતક : (એમ.એ.પ્રથમ વર્ગ; ગુજરાતી વીષય); ગુજરાત વીદ્યાપીઠ, અમદાવાદ.
શાસ્ત્રીયસંગીત : (કંઠ્ય)-૧૯૫૬-૫૯; શાહપુર; ગુરુજી:વિઠ્ઠલદાસ બાપોદરાજી.

કાર્યક્ષેત્રો :
ખેતી-શીક્ષક : બાવળા(અમદાવાદ).૧૯૬૬-‘૬૭.
સેમી-ક્લાર્ક : આર્યોદય જીનીંગ મીલ્સ, અમદાવાદ(એમ.એ.દરમીયાન)૧૯૬૭-‘૭૦.
વ્યાખ્યાતા : (લેક્ચરર) આર્ટ્સ કૉલેજ ઇડર, સાબરકાંઠા.૧૯૭૦-‘૭૧.
વ્યાખ્યાતા : (લેક્ચરર), સમોડા ગ્રામવીદ્યાપીઠ — મહેસાણા જીલ્લો. (1971-’74)
ઇન્ચાર્જ- કામદાર શીક્ષણ : ગાંધીજી દ્વારા સ્થપાયેલ મજુર મહાજન સંઘ, અમદાવાદ.૧૯૭૪-‘૭૭.
કાર્યક્રમ અધીકારી : શ્રમીક વીદ્યાપીઠ; (એડલ્ટ એજ્યુકેશન,ભારત સરકાર.)૧૯૭૭-‘૮૯.
નીયામક : શ્રમીક વીદ્યાપીઠ / જનશીક્ષણ સંસ્થાન; એડલ્ટ એજ્યુ; ભારત સરકાર. (‘૮૯-‘૦૨)
નીવૃત્તી : ૨૦૦૨થી.

વર્તમાન પ્રવૃત્તી :

૧)  ‘કોડિયું’ સામયીકમાં સહતંત્રી (માર્ચ, ૨૦૦૯થી)

૨)  વાચન-લેખન : ઈન્ટરનેટ પર ભાષા-સાહીત્યના બ્લૉગનું સંપાદન

૩)  ગુજરાતી ભાષા–પરીષદના જોડણી વીષયક પ્રચાર–પ્રસાર કાર્યમાં સક્રીય

વાચન-લેખન : ઈન્ટરનેટ પર ભાષા-સાહીત્યના બ્લૉગનું સંપાદન

વીશેષ કાર્યો :

1] સમોડા ગ્રામવીદ્યાપીઠમાં ગૃહપતી,ઉપાચાર્ય,ઉપનીયામક તરીકેની સેવાઓ
2] મ.મ.સંઘમાં આંગણવાડી(બાલમંદીર)શીક્ષીકા તાલીમ તથા તે વીભાગના ઈન્ચાર્જ; વ્યાવસાયીક તાલીમવર્ગોની નવી પરંપરા અને શૃંખલા શરુ કરી; 1920 આસપાસ શરુ થયેલા મ.મહા.સંઘના મુખપત્ર ‘મજૂર સંદેશ’ના સંપાદન કાર્યમાં મદદ.
3] શ્રમીક વીદ્યાપીઠ (જન શીક્ષણ સંસ્થાન)દ્વારા એક લાખથી વધુ શ્રમીકો અને તેનાં કુટુંબીજનોને વ્યાવસાયીક ઉપરાંત જીવનશીક્ષણ; 250 જેટલી સંસ્થાઓ સાથે સહયોગ; વીવીધ વીષયો પરનાં 24 જેટલા આધાર સાહીત્ય [કોર્સ મટીરીઅલ્સ]નું સર્જન; અનેક સામાજીક સંસ્થાઓ એન.જી.ઓ.]ની રચનામાં માર્ગદર્શન અને કેટલીકના સંચાલનમાં મદદ.
4] નાનાભાઈ ભટ્ટ દ્વારા શરુ કરાયેલી સંસ્થાઓનાં ભુતપુર્વ વીદ્યાર્થીઓ અને તેમનાં કુટુંબીજનોની મીલનસંસ્થા ‘નૉળવેલ’ની 1998માં સ્થાપના અને સંચાલન;

સાહીત્ય સર્જન :

ક] પુસ્તકો :
1]
‘શ્રમીક શીક્ષણની દીશામાં'[પરીચય પુસ્તીકા]ના લેખક;
2] ‘એક ચણીબોરની ખટમીઠી’ના લેખક [મારા શીક્ષણ જીવનના અનુભવોનું મારી માતૃસંસ્થા દ્વારા પ્રકાશન]
3] ઔષધીગાન ભાગ 1-2 (ઔષધીય વનસ્પતી અંગેનાં 200 જેટલાં કાવ્યો)નું સંપાદન;
4] સ્વ.શોભન વૈદ્ય સ્મૃતીગ્રંથનું અન્ય સાથે સંપાદન;
5] ગુજરાતના જાણીતા હાસ્યલેખક અને આજીવન શીક્ષક-સંત સ્વ. ન.પ્ર.બુચની આત્મકથા “મારે વિષે હું અને એક વી.આઈ.પી.ની આત્મકથા”નું સંકલન-પ્રકાશન.

ખ] સામયીકોનું સંપાદન :

1] શ્રમીક વીદ્યાપીઠનું મુખપત્ર ‘શ્રમીક શીક્ષણ’ના સ્થાપક સંપાદક;
2] જ્ઞાતીનું મુખપત્ર ‘સદ્ભાવ’ના સ્થાપકોમાંના એક અને તંત્રી તરીકે તેનું સંપાદન;
3] ‘નૉળવેલ’ અનીયતકાલીકની સ્થાપના અને સંપાદન;
4] ‘આયુક્રાંતિ'(આયુર્વેદ વીષયક)સામયીક-માસીકના સ્થાપક સભ્ય-સંપાદક;

5]નાનાભાઈ ભટ્ટ પ્રસ્થાપીત અને દર્શક સંપાદીત સામયીક ‘કોડિયું’માં સહતંત્રી

ગ] લેખો, લેખ-શ્રેણીઓ :
1] ‘જયહિન્દ’ દૈનીકમાં આધુનીક રામાયણની પદ્યશ્રેણી (1967-68)
2] ગુજ.સમા.ના અઠવાડીક ‘શ્રી’માં કૌટુંબીક વીષયો પરની પતી-પત્નીના પત્રોની શ્રેણી (1969-70);
3] ‘કોડિયું’માં ભુતપુર્વ વીદ્યાર્થીઓની સક્સેસ સ્ટોરીઝની શ્રેણી (ચાલુ);
4] કોડિયું ઉપરાંત અન્ય દૈનીકો/ સામયીકોમાં પ્રસંગોપાત લેખો-કાવ્યો.

પારીવારીક :

પત્ની : રમાબહેન
પુત્રો  : 

આનંદ [ઑફીસર,  ઍર ઇન્ડીઆ] – પત્ની દીવ્યા

મનન [સ્થાપક–સંચાલક : ACE Courier Pvt. Ltd] – પત્ની જીજ્ઞા

અર્પણ તથા પત્ની મુક્તી (બન્ને અંગ્રેજીશીક્ષકો.)

Advertisements

31 thoughts on “1944થી…

  1. તમારો બ્લોગ ગમ્યો. તમે “મધપુડો” વર્લ્ડપ્રેસ.કોમ જોઇને મને લખજો.
    અમદાવાદ રહો છો એટલે આપણે મળી શકીશું. હું મુંબઇમાં છું. તમારા લેખો
    વાંચીને લખીશ. પરિચયમાં થોડી વ્યાકરણની ભૂલો રહી ગઇ છે એ તો તમને પણ
    ખ્યાલ હશે જ.

    Like

  2. Jugalkishorbhai…I visited your Blog before but 1st time reading your full PROFILE & I am impressed ! Wish you best in your retirement & welcome to Gujarati WEBJAGAT ! I am also retired & in the Blog Jagat since Nov 2007 & so a new kid on the Blog …..I did invite you to my site & waiting for you……
    http://www.chandrapukar.wordpress.com
    HAPPY INDEPENDENCE DAY !

    Like

  3. કેમ છો… મજામાં,
    ગુજરાતી ભાષા અને ગુજરાત વિશેની દરેક ગુજરાતીની લાગણીઓ નેટ જગતમાં છલકી રહી છે, લાગે છે હવે તે ટુંક સમયમાં ઉભરાઇ જશે, આવીજ એક લાગણી સાથે એક નાનકડી વેબસાઇટ http://www.wahgujarat.com નવા રંગ-રુપ અને આપની મદદથી રજુ કરેલ છે તો http://www.wahgujarat.com વીશે આપના બ્‍લોગ પર એક પોસ્‍ટ ત્‍થા લીંક મુકવા વિનંતી.
    ( સંજય બાપુ, અમરેલી. )

    Like

  4. ઍ પેલા તો કાકા ને મારા રામ રામ ,,જ્યારે જ્યારે ઇંટરનેટ ની આ માયાજાળપર આપણી માતૃ ભાષા ના પાના ઑ જોવ છુ ત્યારે હ્રદય ભરાઈ આવે છે. ખરે ખર કાકા આપનુ કાર્ય વિશેષ રીતે આદરણીય છે , આ કાર્ય ને વિરદાવવા માટે મારી પાસે ઍવા શબ્દો નથી .. મને ખ્યાલ છે ત્યા સુધી કાઠિયાવાડ ની ધરતી ના પાણી મા આ ઍક સાહિત્ય નો અલગ સ્વાસ ચાલતો જોવા મળે છે. મૂળ તો હૂ પણ ભાવનગર નો વાતની છુ ને સાહિત્ય પ્રત્યે અનન્ય લાગણી ધરાવું છુ , આપનો આ બ્લોગ જોઈ મને માં ભોમ કાઠિયાવાડ પર ગર્વ ની લાગણી થાય છે …
    લંડન થી રવિ ના રામ રામ

    Like

  5. ઓહોહો, ઠેઠ લંડનથી તમે પોગાડી દીધાંને કાંય !! તમારા રામ રામ તો મને કાનમાં ટહુકાઈ ગ્યા હો ! આવું કાઠીયાવાડી મનેખ ઠેઠ્ય હૈયામાં પોગી જાય હો ભઈલા ! તમે મને હંભારીને ને આપણી બોલીને વધાવીને મને પોરહ ચડાવ્યો તે ઝાઝો કરીને આભાર.

    તમારું અસલ વતન પણ વળતી ટપાલે બતાડજો પાસા ! હવે સરુ કર્યું સે તો બંધ નૉ કરતા ! અમીં આંય અમદાવાદમાં તૈણ દહું ને શ્યાર વરહથી રઈ સવી. ઘરનાં ઘર સે ને સોકરા હંધા લાઈન પર સે એટલે આ નવરા બેઠાં ધંધાહગડ થ્યા, બીઝું હું !!

    હંધા કટંબીયુંને ઝાઝા કરીને રામ રામ કેજ્યો. અહી હૌ સુવાણ્યે સઈં. લખીતંગ ઝુભાઈ.

    Liked by 1 person

  6. પેલા તો મારી રખડવાની જૂની ટેવ ને લીધે આ તમને જવાબ પણ મોડો આપ્યો છે ઍના બદલ માફી માગી લઉ…..
    ઍ રામ રામ કાકા આ તમારી ત્વારા ને તો માન છે હો ભાઈ માની ગ્યા માની !!! મને આટલા ત્વરિત ઉત્તર ની અપેક્ષા ઓછી હતી કારણ કે જ્યારે ઇંટરનેટ અને જ્યારે ખાસ તો પરદેશ થી આવો વ્યવહાર હોય ત્યારે વાર લાગતી જોય છે . વારી જાવ હો ભાઈ વારી આ પાણી ની મીઠાશ ને .
    અરે ભાઈ હા અમે તો ચાર પેઢિયું થી તો ભાવનગર જ ઠરી ઠામ થિયા સિયે , ને મારો ની મારા પપ્પા નો જનમ તો જાણે વરતેજ મા થયો હતો , પણ હવે તેમની નોકરી ભવસિંહજી પોલિટેકનિક મા વ્યાખ્યાતા તરીકે ની ફરજ બજાવે છે, ને હું દુનિયા નાં છેડા ગોતવા ના ફાફા મારૂ છું . ને અહીઇંગ્લેંડ ના આ લંડન શહેર માં છેલ્લા સાડા ચાર વર્ષ થી રહું છું.
    ને અહી ની વાત કરૂ તો પશ્ચિમ ના આ શહેર માં હમણા તો બહુ સારા દિવસો હાલે છે હો ગયા મહિના મા આપણા જીલ્લા નાં મોરારી બાપુ ની રમ કથા નુ આયોજન થયેલું તો ઍમાના સાનિધ્યા માં ભક્તિ ની મુક્તિ ની ગોષ્ઠી નવ દી ક્યરિ ભારે મજા કેરી હો ભાઈ લંડન મા આવો સત્સંગ નો લાભ ક્યારે મળે હે ભાઈ ..!!!
    ને વળી બીજી વાત ઈ કે વચ્ચે ના દી મા ડયરા નું આયોજન ની રાસ ગરબા તથા કવિ સમ્મેલન પણ થયેલાં , તો ભાઈ ઍમા ભારે મજા કરી ઍનુ તો કેવું જે હૂ . કીર્તિદાન ગઢવી , હેમન્ત ચૌહાણ , નીરંજન પંડ્યા , આભેસંગ રાઠોડ , જેવા ગુજરાતી લૉક સાહિત્ય ના આ જાણીતા કલા ના કારીગરો ની તો વાત જે હૂ કરવી . ભાઈ ભાઈ ….
    ને વાત કરી વતન ની તો હૂ હાલે છે કાકા અમદાવાદ માં ઈ તો ક્યો અમને ? બાકી આશા કે હંધાય કુશળ મંગળ હશો .. અને ભાઈ મારી તો આ સાહિત્ય ના જગત માં હાજ પાપા પગલી છે હો ઈ તો તમને મારા લખાણ પરથી ખબર પડી જે ગય હશે, બીજુકાય નય પણ મને તમારા આ બ્લોગ વાંચવાની ભારે મજા પડે છે હો ..

    Like

  7. ==
    જુગલભાઈ, તું રાહ જો માં તારીખ ૮.૧૧.૨૦૦૯ લખેલ છે એમ પુર્વ કર્મના ફળમાં તારીખ લખેલ નથી એટલે એને કર્મ ઉપર છોડી દીધેલ છે? ગરીબ, વીધવા અને દલીતોની મદદે કોઈ આવવાનું નથી. કારણ … એમનું કર્મ ફળ.

    Like

  8. આદરણીય જુગલકિશોરભાઇ,

    તમારો પરિચય વાંચીને ખુબ ગમ્યું. કાઠિયાવાડી ખમીર ક્યાંય પણ મળી જાય તો આનંદ આનંદ થઇ જાય. હું યે પોરબંદર આર્ય કન્યા ગુરુકુળમાં ભણેલી.. પોરબંદરનો દરિયો આજેય ભીંજવે છે.

    હરનિશભાઇ સરસ હાસ્ય પીરસે છે અને નિલમ તો મારી દોસ્ત..હવે ભરપુર લખે છે.. કહો કે લખ્યા જ કરે છે..

    ચાલો આમ જ મળતા રહીશું.

    લતા હિરાણી

    Like

    1. લતાબહેન,

      સરસ વાત કરી. તમે ગમતાંનો ગુલાલમાં લખ્યું છે, નીલમબહેન વીશે તે મેં માણ્યું હતું. મારા બ્લોગ પર ‘પુસ્તક પરીચય’ વીભાગમાં તમારો ઉલ્લેખ એટલે જ કર્યો હતો.

      વ્યક્તી તરીકે પણ નીલમ બહેન ઉંચું વ્યક્તીત્વ છે. એમના જેવાનો પરીચય હોવો તે પણ ગૌરવની બાબત છે.

      સાભાર, – જુ.

      Like

  9. આદરણીય સાહેબશ્રી ,
    તમારો પરિચય વાંચીને ખુબ ગમ્યું,તમે ખરેખર જીન્દગી જીવી જાણી છે .તમે સમાજની ઘણી સારી સેવા કરી છે અને અમારે તમારા જીવન પરથી પ્રેરણા લેવા જેવી છે .સાહેબ આપ સૌ વર્ષ સુધી કાર્યરત રહો અને અમને નવું નવું આપતા રહે તેવી આશા સાથે લાખ લાખ વંદન.

    Like

  10. મા. શ્રી જુગલકિશોરભાઈ

    તમારી પરિચય પત્રિકામાથી જાણવા મળ્યું. તમે જે સંસ્થાઓમાં અભ્યાસ કર્યો, બધી જ સર્વોદય સંસ્થઓ છે.

    ગુજરાતની ૭૫ ટકા સર્વોદય સંસ્થાઓમાં ફરવા રહેવાનો અવસર ગુજરાત વિધ્યાપીઠ્ના વિધ્યાર્થી હોવાના નાતે મળ્યો હતો. ભૂલતો ના હોંઉ તો શાહ્પુર સર્વોદય શાળામાં મુખ્ય સંચાલક ગાંધીજીના પરિવારમાંથી જ કોઈ હતા. એ સમયે સ્વીમિગ પૂલ પણ હતો.

    સણોસરા ગ્રામભારતી મા શ્રી મનુભાઈ પંચોળી, ગુજરાત વિધ્યાપીઠમાં પ.પૂજ્ય શ્રી રામલાલભાઈ પરીખ,પ.પૂજ્ય વિઠ્ઠલકાકા હતા. ગુજરાતીના અધ્યાપકો તરીકે શ્રી મોહનભાઈ પટેલ, શ્રી પુરુષોત્તમભાઈ પટેલ, શ્રી ચન્ર્દકાન્ત શેઠ જેવા મહાનુભવોના હાથ નીચે ભણવાનો લહાવો મને પણ મળ્યો હતો. મ.ના. પટેલ,ઈશ્વર પરમાર. લક્ષ્મીબેન રઘુવાણી, મ.જો. પટેલ, રમેશ શ્રોફ,

    રાજાભાઈ કદાચ તમારી સાથે એમ.એ. કર્યું હોઈ શકે.
    ભાવનગરના શ્રી દેવી પ્રસાદ વ્યાસ ખુબ સરસ ગાયક, મારા સહાધ્યાયી હતા વિષ્ણુપ્રસાદ નામના મોટી ઉંમર્ના વિધ્યાર્થી વાંસલી સરસ વગાડતા હતા.

    ઘણી યાદો-સ્મરણો છે, ક્યારેક. આજે ખૂબ આનંદ થયો.

    Like

    1. શ્રી પોપટભાઈને એક જવાબ છેક આજે આપું તો શાપુરમાં શ્રી યોગેન્દ્રભાઈ પરીખ મારા આચાર્ય હતા. અને નીલમબહેન પરીખ ગાંધીજીના કદાચ પ્રપૌત્રી ગણાય છે. આ વાત અંગે લખવાનું ત્યારે યાદ ન આવ્યું !

      Like

  11. શાપુર સર્વોદય આશ્રમના સંચાલક અકબરભાઈ નાગોરી. સ્થાપક રતુભાઈ અદાણી. મદિનાબહેનના વાત્સલ્ય નીચે અમે રમેલા. ઈસ્માઈલદાદાનો ખોળો પણ અનુભવેલો.

    યોગેન્દ્રભાઈ પરીખ અને નીલમબહેન પરીખ (ગાંધીકુટુંબનાં – જેમણે દ.આફ્રીકામાં અસ્તી પધરાવેલાં), મસ્તાનભાઈ મેઘાણી, નવીનભાઈ ભટ્ટ, હેમેન્દ્રભાઈ ભટ્ટ (અત્યારે શ્રેયસ્, અમદાવાદ) વગેરે ગુરુજનો…

    સણોસરામાં તો વીશ્વના ઉત્તમ અધ્યાપકો તરીકે મુકી શકાય તેવા નાનાદાદા, બુચદાદા, મૂ.મો.ભટ્ટ (‘ભાઈ’), દર્શક, રતિભાઈ અંધારિયા, ઈસ્માઈલદાદા, (આથી વધુ ઘણું લંબાણ થઈ શકે….)

    વીદ્યાપીઠમાં આદરણીય મ.જો. પટેલ, માનનીય કનુભાઈ જાની, મોહનભાઈ પટેલ..

    આટઆટલા મહાનુભાવોએ એમના આશીર્વાદ વરસાવ્યા છે. ક્યાંક, ક્યારેક ખોટું કરવાનું આવ્યું ત્યારે ત્યારે આ જ સૌએ બચાવ્યો હશે એ વાત નક્કી.

    તમારો આભાર અને સંપર્કમાં રહેવા વીનંતી.

    Like

  12. માનનિય જુગલકિશોરભાઈ,
    તમારો પરિચય બ્લોગથી અચાનક થયો છે. ઉપજાતી છંદ google માં શોધતાં તમે મળી ગયા. આનંદ થયો. તમારી પાસે ઘણુ શિખવા જેવું છે. બ્લોગ પર મળતા રહીશું.
    વંદન મારા!

    Like

  13. vhala jugalkishor kaka,

    Aa site me pehli var joi che. chella tran varasthi hu saudi arabia ma hato etle tya gujarati sahitya vachvano time j malyo nathi.

    khare khar kaka, tamara blog par gani saras majani vato che.
    em to maro jiv gujarati sahitya ma hato pan pappa ni eccha ne dhyan ma rakhine chemical engineer bani gayo.pan have tamara blog thi hy mari gujarati sahityya ni taras chipavu chu.
    mane gujarati sayari gani pasand che jo e tame avalilable karavo to mane bau j gamse.
    E ram ram aavjo.

    તમારા ગુજરાતીપ્રેમને વંદન ! વધુ ઉંડે સુધી જશો તો સાહીત્ય અને ભાષા બાબતે ઘણું મળશે. વાંચતા–લખતા રહેશો. આભાર સાથે, – જુ.

    Like

  14. આદરણીય શ્રી જુગલકિશોરકાકા,
    જુગલના કિશોરને વંદન છે અમારા,
    ખુબ જ સ્નેહ ભર્યા કાર્ય છે તમારા.
    જગને અને અમારા જેવા ને રાહ ચીધ્યો ,
    જુગ જુગ રહે કામ અને નામ તમારા.
    આપે ખુબજ પ્રવૃત્તિ સભર જીવન સફર પર કરી છે.
    અને હજુ પણ કાવ્યો અને લેખો દ્વારા સમાજને દોરવણી
    આપી ર્હ્યાચો તે અભિનંદનને પાત્ર છે.
    અમ નાના માણસ વંદન કરી અને આપના આશીર્વાદ મેળવી
    શકીએ તેજ અમારું અહોભાગ્ય છે. શત શત નમસ્કાર.

    સ્વપ્ન

    Like

    1. હા, સાચી વાત છે. અમે ભાષાપરીષદ સાથેના લોકો એક જ ઈ અને એક જ ઉ લખીએ છીએ. આ મુદ્દો બહુ ચર્ચાયો હોઈ ખુલાસો કરતો નથી…પણ આપની નોંધ માટે આભાર વ્યક્ત કરું છું.

      – જુ.

      Like

  15. મુ. શ્રી જુગલભાઈ,
    તમારે ત્યાં પહેલાં જ આવી ગયો છું પણ આ વિભાગમાં પહેલી વાર ડોકિયું કર્યું. ખરેખર તમારી પ્રવૃત્તિનો વ્યાપ એટલો રહ્યો છે કે અભિભૂત થઈ જવાય. આજે રવિવારની સવાર તમારા જોડણી વિશેના બધા લેખો વાંચવામાં ગાળી. તીર્થયાત્રાજેવી અનુભૂતિ થઈ.
    જોડણી વિશેની સમસ્યા વિશે તમે ’ઓઢણી/જો્ડણી’ ના લેખમાં લખ્યું છે કે આપણે લખવામાં બેદરકારી રાખીએ છીએ કે પ્રુફ રીડર સુધારી લેશે. મને લાગે છે કે જે બોલીએ છીએ તે ઉચ્ચારો પર જ ધ્યાન આપીએ તો પણ હ્રસ્વ//દીર્ઘની સમસ્યા ઉકેલી શકાય. ’ઇનામ’ શબ્દ બોલતી વખતે ધ્યાનથી ઇ-ધ્વનિ ટૂંકો છે અને ’ઈયળ’ બોલતી વખતે ઈ-ધ્વનિ લાંબો છે એ સમજાવી શકાય એમ છે. ધ્વનિ સાંભળવાની ટેવ કેળવાઈ હોત તો જોડણીના આ્ટલા બધા નિયમો લખવા ન પડ્યા હોત. બધું સ્વાભાવિક લાગત. પણ ગુજરાતીમાં સંસ્કૃતના માપના ઇ-ઈ. ઉ-ઊ હતા જ નહીં એ વાત સાચી છે. આમ ’ઊંઝા-ભાવના’ સાથે સંમત છું પરંતુ, જૂનાં ધ્વનિચિત્રો વાપરવાની બાબતમાં મને સંકોચ છે. જરૂર નવા ધ્વનિચિત્રની છે.

    Like

  16. ઘણા લાંબા સમય બાદ આ વીભાગ પેેજીસ પર આવવાથી આ ટીપ્પ્ણી આજે મુકું છું.

    આપ સર્વ શ્રી ચીરાગ, દિગંબરભાઈ સ્વાદિયા, મહેશભાઈ નાઇક, હેમંતભાઈ, ચંદ્રવદનભાઈ, સંજયબાપુ, રિષિરાજ, વીકે; લતાબહેન, રુપેનભાઈ, પોપટભાઈ, ડૉ. મેવાડા, કમલેશભાઈ, નીમેશભાઈ, જેસરવાકર, વિશાલભાઈ, જિજ્ઞેશભાઈ, દીપકભાઈનો આ વીભાગે પધારીને પ્રોત્સાહન આપવા બદલ ઋણી છું.

    Like

આપનો પ્રતીભાવ –

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

This site uses Akismet to reduce spam. Learn how your comment data is processed.